Terms and conditions

რა ასაკიდან იწყება სწავლა სქილვილში?

სქილვილში სწავლის მსურველებისთვის, ასაკი შეზღუდული არ არის. სწავლის დაწყება შეგიძლია ნებისმიერ ასაკში. რეკომენდაციას ვუწევთ მსურველებს 14 წლიდან.

რა კომპონენტებისგან შედგება სასწავლო პროცესი სქილვილში?

სქილვილში სწავლება სამი მთავარი კომპონენტისგან შედგება: პროფესიული სწავლება, ნეთვორქინგი და კარიერული ზრუნვა. კარგი და წარმატებული პროფესიონალისთვის თითოეული კომპონენტი აუცილებელი და მნიშვნელოვანია.

აუცილებელია თუ არა კურსის დაწყებამდე საბაზისო ცოდნა?

ნებისმიერი კურსის გავლა, გარდა ფრონტენდ და ბექენდ დეველოპმენტისა, ყოველგვარი საბაზისო ცოდნის გარეშე შესაძლებელია. რაც შეეხება ამ ორ კურსს, გარკვეული საბაზისო ცოდნა საჭიროა კურსის გასავლელად.

არის თუ არა საჭირო ინგლისური ენის ცოდნა?

სქილვილში სწავლება ქართულ ენაზე მიმდინარეობს. თუმცა სასურველია ინგლისური ენის საბაზისო დონეზე ცოდნა, დამატებითი სასწავლო მასალების გამოყენების მიზნით.

რა ფორმატში ტარდება ლექციები?

ლექციები ტარდება ონლაინ რეჟიმში, სქილვილისთვის სპეციალურად შექმნილი შიდა სასწავლო პლატფორმის მეშვეობით, რომელიც სწავლას კიდევ უფრო კომფორტულსა და მოსახერხებელს ხდის.

რამდენი სტუდენტია თითოეულ ჯგუფში?

ჯგუფში სტუდენტების რაოდენობა შეზღუდული არ არის. ლექციები ინტერაქციულია და ბოლო ნაწილი ეთმობა კითხვა-პასუხის რეჟიმს. გარდა ამისა, თუკი კითხვები გაგიჩნდება, შეგიძლია გამოიყენო Slack-ი და მიმართო ლექტორებს ან ტუტორებს.

არის თუ არა სასწავლო პროცესი დავალებებით და პრაქტიკული სავარჯიშოებით დატვირთული?

სასწავლო პროცესი დატვირთულია პრაქტიკული კომპონენტებით. დავალებებს ყოველი ლექციის შემდეგ მიიღებ, ასევე, ხშირია ჯგუფური და პრაქტიკული დავალებები.

რა საკომუნიკაციო არხებს გამოვიყენებთ?

კომუნიკაციის ძირითადი პლატფორმაა Slack და Facebook ჯგუფი. სტუდენტებისთვის ხშირად იგეგმება სხვადასხვა აქტივობა, როგორც გასართობი, ასევე შემეცნებითი - ვორკშოპი, საჯარო ლექცია, შეხვედრები სფეროს პროფესიონალებთან. ეს სასწავლო პროცესს ბევრად უფრო საინტერესოს და სახალისოს ხდის

რამდენი ხანი მექნება წვდომა ლექციის ჩანაწერებზე?

მთელი კურსის განმავლობაში შეგიძლია უყურო ნებისმიერი ლექციის ჩანაწერს, ასევე კურსის დასრულების შემდეგ 4 თვე გექნება წვდომა მასალებზე.

კურსის დასრულების შემდეგ მივიღებ სერტიფიკატს?

დიახ, კურსის დასრულების შემდეგ მიიღებ მონაწილეობის დამადასტურებელ სერტიფიკატს. ხოლო დასკვნითი გამოცდის წარმატებით ჩაბარების შემთხვევაში, მიიღებ შესაბამის სერტიფიკატს.

დასაქმების რა შესაძლებლობები არსებობს სქილვილის კურსების დასრულების შემდგომ?

დასაქმება შეგიძლიათ როგორც კერძო და საჯარო სექტორში, ასევე საერთაშორისო ორგანიზაციებში. სქილვილს ჰყავს პარტნიორი ორგანიზაციები, რომელთა ვაკანსიების შესახებაც სქილვილის სტუდენტები პირველები იგებენ. სქილვილი სწავლის პერიოდშივე გიზიარებს სხვადასხვა ვაკანსიებს, რომელიც ყველა სტუდენტისთვის ხელმისაწვდომია. საუკეთესო სტუდენტებს რეკომენდაციას ვუწევთ ჩვენს პარტნიორ კომპანიებთან.

რა აქტივობები აქვს სქილვილს სწავლის პარალელურად?

სქილვილის გუნდი მუდმივად ზრუნავს სტუდენტების წახალისებაზე. ამისთვის ვატარებთ სპორტულ აქტივობებს, ნეთვორქინგ საღამოებს, ღია კარის დღეებს, ვორკშოპებს, დაჯილდოებებს და სხვა ღონისძიებებს, რათა სტუდენტებმა დაამყარონ ძლიერი კავშირები და უკეთ გაიცნონ ერთმანეთი, რაც საბოლოოდ ძლიერ და ფართო პროფესიულ ქსელს ქმნის.

კვირაში რამდენი ლექცია ტარდება?

ლექციები ტარდება კვირაში სამჯერ, 19:00 საათზე.

თითო ლექცია რამდენ ხანს გრძელდება?

ლექციები გრძელდება 1-1.5 საათი. ეს დამოკიდებულია კონკრეტული დღის თემასა და კითხვა-პასუხის ხანგრძლივობაზე.

ვინ ასწავლის სქილვილში?

სქილვილში ასწავლიან პრაქტიკოსი ლექტორები, რომლებიც თავად სხვადასხვა წარმატებული საერთაშორისო კომპანიებისთვის მუშაობენ. ისინი არიან სფეროს წამყვანი პროფესიონალები, რომლებიც სტუდენტებს მუდმივად უზიარებენ თავიანთ ცოდნასა და გამოცდილებას, ასწავლიან იმ საკითხებს რაც მოცემული დროისთვის ყველაზე აქტუალურია.

რა არის კურსის ღირებულება?

ჩვენთან ყველა კურსის ღირებულება 599 ლარია, ხოლო ხელოვნური ინტელექტი და AI პროექტების მართვა 699 ლარად შეგიძლიათ ისწავლოთ. ამ შემთხვევაში თუ სარგებლობთ მოსწავლის ბარათით, კურსებს 10%-იანი ფასდაკლება მოქმედებს, ხოლო იმ შემთხვევაში თუ ხართ სოლოს მომხმარებელი -15%-იანი ფასდაკლებით შეგიძლიათ სარგებლობა.

როგორ ხდება საფასურის გადახდა?

გადახდა შეგიძლია როგორც ერთიანად, ასევე განვადებით.

როგორ მოვიქცე თუ კურსის შეწყვეტა გადავწყვიტე?

კურსის დაწყებიდან 30 დღის განმავლობაში შეგიძლია გამოეთიშო კურსს და მოითხოვო თანხის 50% - ის დაბრუნება.

აქვს თუ არა სქილვილს სასწავლო პლატფორმა?

სქილვილში სწავლისას გამოიყენებ სპეცილაურად შენთვის შექმნილ პლატფორმას, რომელსაც Ocean ჰქვია. Ocean-ში შეძლებ მასალების გაცნობას, კალენდრის ნახვას, შენი პროგრესისთვის თვალის დევნებას, რეიტინგების ნახვას და სასწავლო პროცესთან დაკავშირებული ყველა დეტალისთვის თვალის დევნებას.

ხშირად დასმული შეკითხვები